By Një 47-vjeçar ka rënë në prangat e policisë, pasi akuzohet për dhunë në familje.
Bëhet me dije se në pranga ka rënë shtetasi S.V., 47 vjeç. Policia njofton se shtetasi në fjalë i cili vuan nga probleme mendore ka goditur me thikë në banesë babain e tij, shtetasin D.V, 80 vjeç.
Njoftimi i policisë:
Plagosi me mjet prerës (thikë) babain e tij, Policia kap dhe shoqëron autorin.
Pas marrjes së njoftimit se në Levan kishte ndodhur një konflikt në familje dhe për pasojë djali kishte plagosur babin e tij me thikë, shërbimet e Policisë kanë shkuar menjëherë në vendngjarje .
Falë veprimeve të shpejta e profesionale është bërë i mundur neutralizimi i autorit të dyshuar, shtetasit S.V., 47 vjeç, i cili vuan nga probleme të shëndetit mendor dhe kishte goditur me thikë në banesë babain e tij, shtetasin D.V, 80 vjeç.
Shtetasi S.V., është shoqëruar në Komisariatin e Policisë Fier për veprime të mëtejshme, ndërsa babai i tij shtetasi D.V., ndodhet në spitalin rajonal të Fierit jashtë rrezikut për jetën”, shkruan policia.
